Floransa de ''Riseup4Rojava'' dest pê kampanyaya boykotkerdişê Tirkîya kerd.

Kuçeyanê sixletan ê Floransa de afîş û vilawekî ameyî vilakerdene û venga Îtalya ame kerdene ke bankaya UniCredit, şîrketa çekan Leonardo û şîrketa çîkolota ya namdare Ferrero yê ke Tirkîya reyde peymana ci ya bazirganîye esta bêrê boykotkerdene. Pankarta '' Seba şerî hetkarîye ney, nê Noelî de Ferreo boykot bikê'' pirrêkê şaristanî de ameye daliqnayene. Vilawekan de ame parekerdene ke se ra 70 yê findiqê ke berhemanê Ferrero de yenê xebitnayene Tirkîya ra yenê hêrînayenê.