Sîyasetmedaro kurd Mehmet Dîzîno ke qezaya Depe ya Xarpêtî ra yo û serra 1980î ra nata Almanya de ciwîyeno. Dîzîn tatîlê xo yê Îtalya de tepişîya û nika Bologna de keyeyêk de binê çimdarîye de tepişîyeno.

Dizîn bi îdîaya ke serranê 1988-2019î de Dêrsim de 'bombarkerdişê qereqolî û remnayîşê kesan' yeno sûcdarkerdene. 1985 de Sersefîrîya Tirkîya ya Almanya dest nabi pasaportê Dîzînî ser û o dima hemwelatîya Tirkîya ra amebi vetene.

Almanya seba kesanê bêwelatan pasaport da ci. Heta nê çaxî Dîzîn seba karanê cinî û domananê xo zaf reyî şîyo Sersefîrîya Tirkîya la meseleyêke nêqewimîyabî. 2017 de Dîzînî seba zewajê fermîyî muracatê Sersefîrîya Tirkîya kerd û ci rê şîret ame kerdene ke wa nasnameyê tirkî muracat bikero. Dima mengêke de nasname dîya Dîzînî û dima zî pasaporto qewe dîyayo ci. Dîzîn 6ê kanûna 2018î de Danîmarka de ame destbendkerdene û dima vera dîya. Ey rê dîya zanayene ke 1988 de seba çalakîyêka Dêrsimî Interpol gêreno ci.

Dîzîn Almanya de fabrîkayêke de xebitîyeno û hemwelatîyê Almanya yo. Dîzîn wexto ke seba tatîlî cinîya xo reyde şibi Îtalya ame destbendkerdene. Dizîn bi îdîaya ke serranê 1988-2019î de Dêrsim de 'bombarkerdişê qereqolî û remnayîşê kesan' yeno sûcdarkerdene.

Dîzînî îfade kerd ke wextê serebûtan de o Tirkîya de nêbîyo û vat: ''Yeno îdîakerdene ke 5ê nîsana 2019î de mi Dêrsim de camêrdêk remnayo, bomba eşta û dînamîtî eştê. Ez 40 roja Îtalya de zîndan de menda. Îtalya do seba teslîmkerdişî mi muhakeme bikera. Ez nêzanena ke rewşe do senî biba. Ez hêvî kena ke nê zûr û skandalê neheqî yê vera kurdan biqedê.''