Kurdîstanijan hêrişê îşxalî yê dewleta tirke û hemkarîya PDKyî  London û Paris de protesto kerdî.

Şaristanê Londonî yê Îngilîstanî de kurdîstanijan serkêşîya TCŞ, Meclîsê Cinîyan ê Îngilîstanî û Meclîsê Şarî yê Londonî de çalakîyêka rayraşîyayîşî kerde. Çalakîye de sloganê sey 'Terorîst Erdogan', 'Qirkerdişê vera Kurdîstanî vindarnê', 'Biciwîyo xoverdayîşê Zapî' ameyî vatene. 

Paytextê Fransa Paris de, banlîyoyê Evryî de zî kurdan û dostanê înan serkêşîya Meclîsê Cinîyan ê Çîçeke de çalakîya rayraşîyayîşî kerde. Çalakîye verê bînaya Şaredarîya Gringyî de vurîyaye nawnayîş.  Çalakîye qiseykerdişan ra dima qedîyaye.

Şaristanê Brukselî yê Belçîka de çalakîkeran seba ke bale biancê hêrişanê kîmyewîyan ê Tirkîya ser maskeyê gazî û kincê sipî dayî xo rê. Çalakîye xeylêk eleqe dî. Dima çalakîkerî tewrê aktîvîteya 'Mîkrofonê Akerdeyî' bîyî û tîya de derheqê şerê vera Kurdîstanî de agahîyî dayî.