Çalakîya nobete ya ke seba  azadîya Rayberê Şarê Kurdî Abdullah Ocalanî 25ê hezîrana 2012î de şaristanê Strasbourgî yê Fransa de verê bînaya Konseya Ewropa û Komîteya Vergirewtişê Îşkencetî ya Konseya Ewropa de dest pêkerd dewam kena.

Nobetdarê nê hewteyî zî şaristanê Hamburgî yê Almanya ra komêk a. Mahmur Erdoganî nameyê kome ser o eşkerayîye daye û îfade kerd ke bêvengîya CPTyî ya vera tecrîdê Ocalanî nêna qebulkerdene.

Erdoganî vat: ''Ma na bêvengîye şermezar kenê. Ganî şarê kurdî vera naye nêrazîbîyayîşê xo bimojno. ''

Komîteya Nobete ra Zulfu Bîngolî zî hêrişê qirkerdişî yê vera komelê êzidîyan şermezar kerdî. Eşkerayîye de ame vatene: ''Ma qirkerdiş û hîşmendîya qirkerdişî ya ke 3ê tebaxa 2014î de Şingal de şarê kurdî qir kerd, şermezar kenê.''

Eşkerayîye de dîya zanayene ke kurdî do qet vera fermanan sereyê xo nêarê war û waştişê azadîye ra fek vera nêdê.