Çalakîya nobete ya ke Bado ke cezaya zîndanî ya 3 serranû 9 mengan dîyaye Hemşaredarê Bajarê Pîlî yê Wanî Abdullah Zeydanî verê şaredarî de dîyaye destpêkerdene, dewam kena. 

Şarê Wanî vera qeyûmî têkoşînê xo domneno. Wanijê ke vera tehdîtê qeyûmî verê Şaredarîya Bajarê Pîlî yê Wanî de nobete tepişenê, ANFyî rê qisey kerd.

Zekiya Kaya: Ma sey dayîkan vera darbeya qeyûmî şaredarî de nobete tepişenê. Bi hewayêkê keyfî ceza daye hemşaredarê ma. Ma semedê wayîrvejîyayîşê şaredarîya xo tîya de yê. Ma qeyûman qebul nêkenê. Hetêkî ra qala haştîye kenê, hetê bînî ra îradeyê ma çîn hesibnenê. Se beno wa bibo ma do wayîrê şaredarîya xo vejê.

Husamettin Kiziltaş:  Şarê Wanî wayîrê şaredarîya xo vejeno. Şarê Wanî tim xover dano. Ma do şaredarîya zo teslîmê çewî mekerê. Ma xespkerdişê îradeyî qebul nêkenê. Wa şarê ma pêro verê şaredarî de bêro pêser û wayîrê îradeyê xo bivejo.

Keve Işık: Ma sey dayîkan paştî danê hemşaredarê xo. Seba ke ma wayîrê şaredarîya xo bivejê ma tîya de yê. Ma do îradeyê xo teslîmê çewî mekerê. Ma bi keda xo na şaredarî girewt. Na şaredarîya ma ya, ma do testûr medê bera teslîmgirewtene.

Herdem Acar: Sey tim reyna qeraro bêhuqûq ame girewtene. Şarê Wanî reyna bi heme hêz û hêrsê xo semedê wayîrvejîyayîşê îradeyê xo verê şaredarî de ame têhet. Xoverdayîşê ma do dewam bikero. Ma do wayîrê îrade û şaredarîya xo bivejê. Wa şarê Wanî semedê wayîrvejîyayîşê îradeyê xo vejo waran.