Çalakwanê Rayraşîyayîşê Dergî yê ke resayî Strasbourgî tîya mîtîngêk kerd. Parlamenterê Parlamentoyê Ewropa Emmanuel Fernandesî semedê tewrbîyayîşê rayraşîyayîşê tarîxî yê Strasbourgî veng da.
Rayraşîyayîşo Derg ê 26 rojan ke çarçewaya hemleya Rayber Apoyî rê azadîye, meseleya kurdan rê çareserîye de 21ê çeleyî de bajarê Lorientî yê Fransa hetê 26 kesan ra ame destpêkerdene ewro Strasbourg dewam kerd.
Rayraşîyayîş de sloganê sey “Bijî Rêber Apo” , “Be Serok jîyan nabe” , “Solution politique pour la Kurdistan” , “Jin, jîyan, azadî” ameyî vatene û hêrişê dewleta tirke yê vera Rojawanî ameyî protestokerdene. Badê rayraşîyayîşî mîtîngêk ame kerdene.
Parlamenterê Parlamentoyê Ewropa Emmanuel Fernandesî mîtîng de qisey kerd. Emmanuel Fernandesî ard ziwan ke Rayber Apo muxatabê meseleya kurdan o vat ganî cade bibo azad. Emmanuel Fernandesî îfade kerd ke ê paştdayîşê xo yê bi şarê kurdî do girdêr bikerî û semedê tewrbîyayîşê rayraşîyayîşê tarîxî yê Strasbourgî veng da.
