Rayraşîyayîşo Dergo ke hetê ciwananê kurdan enternasyonalîstan ra 10ê sibate de bajarê Heilbronî yê Almanya de dîya destpêkerdene ver bi bajarê Strasbourgî yê Fransa dewam keno.

Saetanê serê sibayî de polîsan xeylê kesî destbend kerdî. Naye sero ciwanan çalakîya bêîtaetîya sîvîle kerd. Avûkatî kewtî dewre û ciwanî serbest ameyî veradayene. La seba ke sloganî ameyî vatene û muzîk ame cinayene hêrişê polîsan dewam kerd.

Qirseyî rixmê hêrişê polîsan rayraşîyayîşê xo heta saetanê nêmrore domna la merkezê Lahrî de hêna ame vindarnayene. Bahane zî sloganê vera dewleta tirke û deyîrê şorişgêrî bî.

Qirseyo ke gerîya binê ablûqa slogana “Bijî Serok Apo”  vate û bi çapik û tîlîlîyan nêrazîbîyayîş mojna. Bado ke ciwanî di saetî binê ablûqa de mendî, di saetî rayra şîyî û waşt şirê komeleya kurdan a Lahrî la polîsan destûr nêda.  Polîsan bi derbkerdişî xeylê ciwanî destbend kerdî. 4 ciwanî hêrişê polîsan de birîndar bîyî.