Hûmarêka zêde ya rêxistinanê komelkîyan ê sivîlan û şaredarîyê Îtalya seba ke tedaya rejîmê tirkî red bikerê Serekwezîr Giuseppe Conte û Wezîrê Karanê Teberî Luigi Di Maio rê mektubêk erşawit.

Mektub de 16 organîzasyonan vist vîrî ke Ocalan 21 serr ê ke Îmrali de yeno tepiştene, şaredarîyê ke hemwelatîya rûmete daye Ocalanî bîyê hedefê tedaya dewleta tirke. Mektub de ame vatene: ''Ma tedaya Tirkîya ya vera şaredarîyanê Îtalya red kenê'' û ame vîrvistene ke komunanê Castelbottaccîo, Castel del Gîûdîce û Tûfara ra dima şaredarîya Fossalto hemwelatîya rûmete daye Ocalanî. Mektub de ame vatene: ''Çerçewa azadîya fikran û sîyasîyî de seba ke haştîye rê xizmet bibo, seba dîyalogan destpêkerdiş bibo û rayîrê çareserîya abibo ma hemwelatîya rûmete daye Birêz Ocalanî. Ma wazenê cade Îtalya ziwandergîya Tirkîya ya vera şaredarîyanê ma red bikero, Tirkîya hurmetê nê şaredarîyan bikera.

Komunê Fossalto 4ê adare de hemwelatîya rûmete daye Ocalanî. Naye ra dima Wezaretê Karanê Teberî yê Tirkîya pare kerd ke 'Vera nê xîretî ma selahîyetdaranê Îtalya ra hêvî kenê ke vera PKKyî hemkarîye bikerê.  Şaredarîya Tufara zî çeleyê 2019î de hemwelatîya rûmete dabî Ocalanî. Verê cû zî şaredarîyanê Campobasso, Castelbottaccîo, Palermo, Napolî, Palagonîa, Reggîo, Emîlîa, Rîace, Martano, Pînerolo heman bire dabî.''

Binê mektubî de morê nê organîzasyonan estê:

Il Bene Comune – mensile culturale

Associazione Padre Giuseppe Tedeschi

Libera Molise

ANPI Molise

UDS Campobasso

Casa del Popolo di Campobasso

Casa del Popolo di Termoli

La Fonte – rivista mensile

Cita in visibili Termoli

Legambiente Molise

Ass: Solidarietà senza confini

Associazione primo marzo

Comune di Castelbottaccio

Comune di Castel del Giudice

Comune di Tufara

Comune di Fossalto