Şaredarîyêka bîne ya Îtalya hemwelatîya rûmete daye Ocalanî

Şaredarîya Fossalto ya Îtalya hemwelatîya rûmete daye Rayberê Şarê Kurdî Abdullah Ocalanî.

Komunê Fossalto yê pabesteyê şaristanê Campobasso yê herêma Molîsî pare kerd ke înan hemwelatîya rûmete da Ocalanî.

Serekê Şaredarîye Saverio Nanno qiseykerdişê Meclîsê Şaredarîye de ard zîwan ke seba xîretanê ci yê seba haştîye înan na xelate layîqa Ocalanî dîye. Nannoyî pare kerd ke îdolojîyo ke Ocalanî aver berd û Rojawan de bi mîsalêk, kerd ke cinîyî îdare de ca bigêrê û vera DAÎŞî têkoşînêko xurt kerd.  Nannoyî verê weçînayîşê 3ê temmuze de vatbi ke eke o weçînayîşan de ser bikewo xelata hemwelatîbîyayîşî do bido Ocalanî. Nanno weçînayîşan de bi ferqêkê pîlî ser kewt.

Çeleyê 2019î de zî şaredarîya Tufara ya pabesteyê şaristanê Compobasso hemwelatîya rûmete dabî Ocalanî. Nika ra verê cû zî şaredarîyanê Campobasso, Castelbottaccio, Palermo, Napoli, Palagonia, Reggio Emilia, Riace, Martano, Pinerolo heman bire dabî.