Xeylêk şaristananê Ewropa de şehîdê têkoşînê azadîye ameyî yadkerdene. Merasîman de sozê têkoşînî ame dayene.

Şaristanê Hamburgî yê Almanya de Meclîsê Şarî yê Hamburgî de Endama Komîteya Rayberdişî ya KJKyî Delale Nurhak û şehîd Rojhad Karakoçan ameyî yadkerdene. Merasîmê yadkerdişî de fotografê şehîdan û alayê PKKyî ameyî daliqnayene. Wekîla verêne ya HDPyî Selma Irmak merasîm de qisey kerd û vat: ''Şorişê Kurdîstanî bi dayîşê bedelan awan bîyo. Ganî merdim wayîrê nê têkoşînî vejîyo.'' 

Şaristanê Osnabruckî yê Almanya de Sara Tolhildan û Rûkene Zelal ameyî yadkerdene.  Merasîm de xoverdayîşê gerîlayan ame selamkerdene û bale ameye antene tecrîdê vera Rayberê Şarê Kurdî Abdullah Ocalanî ser. Merasîm bi sloganan qedîya.

Şaristanê Draguignanî yê Fransa de çalakîkerê çalakîya vera bînaya polîsan a Mersîne Sara û Rukene û Nagîhane Akarsel ameyî yadkerdene. Bi seyan kesî tewrê merasîmî bîyî û merasîm de sozê perwerîya bi têkoşînê şehîdan ame dayene. Merasîm bi deyîra '3 Jinên Azad'  a Delîla qedîya.

Şaristanê Strasbourgî yê Fransa de zî serkşîya TCŞ û TÊKO-JIN de Çekdar Canfeda Med (Enver Çelîk), Şevîn Çekdar (Şeyda Eren), Arîn Armanc (Mizgîn Eren) û Sûphî Tolhildan (Yilmaz Beşalti) ê ke 12ê tebaxe de şehîd bîyê ameyî yadkerdene. Merasîm bi sloganê 'şehîdî nêmirenî' qedîya.

Şaristanê Marsilya yê Fransa de gerîlayî Çekdar Canfeda Med û embazê ci yê ke Metîna de bîyî ameyî yadkerdene. Merasîmê yadkerdişî de derheqê şehîdan de sînevîzyonêk ame mojnayene.

Kampa Lavrioyî ya Yunanîstanî de şehîdî Sara û Rûkene û şehîde Canfeda Çekdar Med ameyî yadkerdene. Merasîm de derheqê şehîdan de şîîrî ameyî wendene û merasîm bi sloganan qedîya.