Xeylêk şaristananê Ewropa de şehîdê Menga Gulane ameyî yadkerdene û mesaj ame dayene ke xeta şehîdan tim do bêra teqîbkerdene.

Şaristanê Lozanî yê Swîsre de serkêşîya KOMAWî de şehîdî ameyî yadkerdene. Merasîm de qala şehîdan ameye kerdene û derheqê şehîdan de sînevîzyonêk ame mojnayene. Merasîmê yadkerdişî de ame vatene ke têkoşîno ke şehîdan sey mîrasî peyê xo de verdayo dîyeno dewamkerdene. Endamê Konseya Rayberdişî ya PKKyî Zubeyîr Aydarî zî merasîm de qisey kerd û ard ziwan ke têgêrayîşê azadîye têgêrayîşê şehîdan o.

Şaristanê Zurichî yê Swîsre de hetê HBDHyî ra merasîmêkê yadkerdişî ame kerdene. Merasîm de ame vatene ke ê do bi pawitişê mîrasê şehîdanê têkoşînê şorişî yê Kurdîstan û Tirkîya wayîrê cuya azadîye vejîyê.

Şaristanê Stockholmî yê Swêdî de Komeleya Kultur û Hunerî de bi merasîmêkî şehîdî ameyî yadkerdene. Merasîm de derheqê têkoşînê şehîdan de sînevîzyonêk ame mojnayene. Merasîm bi slogananê sey “Şehîd namirin”, “Bê Serok jiyan nabe” û “Jin, jiyan, azadî” qedîya.

Şaristanê Draguignanî yê Fransa de şexsê Rêzan Dêrsim û Azad Xazîyî de pêro şehîdê Menga Gulane ameyî yadkerdene.  Xeylêk kesî tewrê merasîmî bîyî. Merasîm de bale ameye antene tecrîdê Îmraliyî ser û wina ame vatene: ''Ma do bi wayîrvejîyayîşê Rayber Apo û dewaya xo bibê layîqê şehîdan.''