Endamê Konseya Rayberdişî ya KODARî  Yûsif Rebanî (Rêzan Cavîd)o ke 6ê tebaxe de hêrişê dewleta tirke ya îşxalkere de Qamişlo de şehîd bibi, şaristananê Berlin û Hannoverî yê Almanya de ame yadkerdene.

Berlin de merasîmê yadkerdişî hetê NAV-Berlinî ra ame serûberkerdene. Endamê Meclîsê Pêroyî yê PJAKî Ehwen Çîyakoyî merasîm de qisey kerd û vat: ''Embaz Rêzan ronayoxanê PJAKî ra yew bi û o perwerîye Serek Apoyî ra musabi.''

Merasîm de derheqê Rêzanê Cawidî de sînevîzyonêk ame mojnayene.

Hannover de şerwanê Yewinanê Pawitişê Cewherî yê ke Qamişlo û Minbic de şehîd bîyî bi rayraşîyayîş û mîtîngêko ameyî yadkerdene. Meclîsê Şarî yê Hannoverî, ATÎK, temsîlkarê YDG û PYDyî zî tewrê mîtîngî bîyî. Suleyman Gurcanî nameyê ATÎKî ser o qisey kerd û vat: ''Ma binê pêro şert û mercan de pawitişê şorişî bikerê.''

Mîtîngî ra dima girseyî pê slogananê 'Şehîdî nêmirenî' dest pê rayraşîyayîşî kerd.