18ê tebaxa 2022yî de Sema Eylul (Fatma Marangoz), Arjîne Cûdî (Zeynepe Dal), Lîlave Jînda (Lîloze Ozkan) û Avaşîne Zagros (Madrîka Besravî) Metîna de şerê vera artêşa tirke ya îşxalkere de şehîd bibî. 4 gerîlayê cinîyî şaristanê Giessenî yê Almanya de bi merasîmêkê pîlî ameyî yadkerdene.

Bi hezaran kesî tewrê merasîmî bîyî. Merasîm hetê TJK-E û Merkezê Komelê Demokratîkî yê Giessenî ra ame serûberkerdene. 

Verî nameyê Komeleya Keyeyanê Şehîdan ser o Alî Konkutî qisey kerd û vat: ''Roje roja berzkerdişê xoverdayîşî û wayîrvejîyayîşê ci yo.''

Hemsereka KON-MEDî Zubeyde Zumrut zî ard ziwan ke kurdî prosesêkê giranî de têrî yenê û vat: ''Eke ewro sloganê 'jin, jiyan, azadî hende zimîyeno no xêrê Sema, Berçeme û cinîyan ê şehîdan ra yo.''

Dadîya Şehîde Berçeme û Fatma Marangoz Ayşe Marangoz vat: ''Serek Apoyî ma rê no rayîr akerd. 45 serrî yo şarê kurdî bedelanê pîlan dano la ser keweno. Berçeme û Sema rêçê Şêx Seîd û Seyîd Rizayî de şîyî. Ma zî do înan teqîb bikerê. Sereyê Rayber Apoyî û gerîlayan weş bê.''

Babî Hidir Marangozî vat: ''Şehîdî têna ê ma nîyê ê Rayber Apoyî û pêro şarê kurdî yê. Şehîdê erjê ma yê ke ma kirişenê roja sibayî.''

Merasîm de vera sloganê sey Şehîd namirin”, “Bijî Berxwedana Gerîla”, “Jin Jiyan Azadî ameyî vatene û xoverdayîşê gerîlayan ame selamkerdene.

Merasîm mojnayîşê sînevîzyonêkî ra dima qedîya.