Şerwanê ke serranê cîyayan de menga teşrîna verêne de têkoşînê Azadîya Kurdîstanî de şehîd bibî banlîyoyê Villiers le Belî yê Parisî de Merkezê Komelê Demokratîkî yê Kurdan de  ameyî yadkerdene.

Merasîmê yadkerdişî de fotografê şehîdanê û ê Rayberê Şarê Kurdî Abdullah Ocalanî, alayê PKKyî ameyî akerdene.

Deqayêkê rêzgirewtişî ra dima nameyê TJK-E ser o Nûpele Munzur qisey kerd. Nûpele Munzur Gulnaz Karataş (Bêrîtane) yad kerde  û îfade kerd ke Bêrîtane bîye raybera Têkoşînê Azadîye yê Kurdan û Cinîyan.

Nameyê keyeyanê şehîdan ser o Dayîke Fodûke qisey kerd û vat ganî her kes wayîrê şehîdan vejîyo.

Merasîm mojnayîşê sînevîzyonî ra dima bi sloganê 'şehîdî nêmirenî' qedîya.