17ê gerîlayê ke pê çekanê kîmyewîyan hêrişanê dewleta tirke de şehîd bîyê û pêro şehîdê teşrîna verêne merkezanê Ewropa de ameyî yadkerdene. Yadkerdişan de wina ame vatene: ''Mesuldarîyê ma verê şehîdan de zêdîyayî.''

Şaristanê Hannoverî yê Almanya de Merkezê Komelê Demokratîkî yê Kurdan (NCDK) de merasîmêkê yadkerdişî ame kerdene. Merasîm de seba şehîdan şîîrî ameyî wendene, deyîrî ameyî vatene û findî ameyî tavistene.

Şaristanê Toulouse yê Fransa de şexsê Bêrîtane (Gulnaze Karataş) de pêro şehîdê teşrîna verêne ameyî yadkerdene. Merasîmê yadkerdişî pê sloganê “Jin jiyan azadî“ û “Bijî berxwedana gerîla“ qedîya.

Banlîyoyê Evrî yê şaristanê Parisî yê Fransa de yadkerdiş de derheqê şehîdan de sînevîzyonêk ame mojnayene û qiseykerdişî ameyî kerdene.

Şaristanê Freiburgî yê Almanya de merasîmê yadkerdişî de ame vatene ke şehîde Bêrîtane vera xeta îxanetî têkoşîn kerd û bîye sembola cinîyanê dinya.

Şaristanê Mannheimî yê Almanya de serkêşîya Meclîsê Cinîyan ê Ronahî-Bêrîvane de şehîdî ameyî yadkerdene. Qiseykerdişan de ame vatene ke ganî şarê kurdî wayîrê gerîlayan vejîyo.

Şaristanê Viyana yê Avusturya de NCDK de bi merasîmêkî şehîdî ameyî yadkerdene û derheqê şehîdan de sînevîzyonêk ame mojnayene.

Şaristanê Luzernî yê Swîsre de zî şehîd Sedat Demhat (Ferhat Guneş) û 16 embazê ci yê ke şehîdanê kîmyewîyan de şehîd bîyê ameyî yadkerdene.

Şaristanê Dresdenî yê Almanya de zî şexsê Gulnaze Karataş, Nagîhane Akarsel de pêro şehîdê teşrîna verêne ameyî yadkerdene. Merasîmê yadkerdişî de derheqê têkoşînê şehîdan de sînevîzyonêk ame mojnayene.