Seba gerîlayanê ke Zap de şehîd bîyî Kampa Lavrioyî ya Atina ya Yunanîstanî de aktîvîteyêka yadkerdişî ameye kerdene. Aktîvîte hetê Komeleya Kulturî ya Kurdîstanî ra ameye serûberkerdene û xeylêk kesî tewrê ci bîyî.

Warê aktîvîte de posterê Rayberê Şarê Kurdî Abdullah Ocalanî, alayê PKK û fotografê şehîdanê Zapî ameyî daliqnayene.

Deqayêkê rêzgirewtişî ra dima derheqê cuye û têkoşînê şehîdanê Zapî de sînevîzyonêk ame mojnayene û sloganê sey 'Biciwîyo Serek Apo', 'Şehîdî nêmirenî', 'Biciwîyo xoverdayîşê gerîlayan' ameyî vatene.

Keyeyanê şehîdan ra babîyê şehîd Mazlûm Erencîyî Erkan Erencîyî aktîvîte de qisey kerd, şehîdê Zapî yad kerdî û îfade kerd ke ganî raştîya şehîdanê Kurdîstanî baş bêra famkerdene. Erencîyî dîyar kerd ke pêro şehîdî fedayî yê û vat: ''Têna bi fedayîtî cewan bêro dayene hêrişan. Şehîdî erjê ma yê. Xeyalê îşxalî bi xoverdayîşê fedayîyan do çin bibê.''

Aktîvîte bi sloganan qedîyaye.