Xeylêk şaristanan de gerîlayê şehîdî bi merasîmanê pîlan û bi beşdarîya xeylêk kesan ameyî yadkerdene.

Şaristanê Anversî yê Belçîka de Şehîdî Îsyane Karker (Gazal Kûnûr), Karker Îsyan (Orhan Kûnûr), Têkoşîne Piling Cûdî (Bêrîvane Aras) û Stêra Ararat (Esma Ozkan) ameyî yadkerdene. Merasîm de nameyê TJK-E ser o Dîcle Efrîn qisey kerd. Efrîne bale ante tecrîdê vera Rayberê Şarê Kurdî Abdullah Ocalanî ser û venga pêro kurdîstanijan da ke seba azadîya Ocalanî vejîyê meydanan. Keyeyanê şehîdan zî merasîm de qisey kerd û îfade kerd ke ê rayîrê domananê xo teqîb kenê. Peynîya merasîmî de derheqê şehîdan de sînevîzyonêk ame mojnayene.

Şaristanê Parisî yê Fransa de Rêber Varto (Mustafa Çelîk)o ke 29ê êlule de şehîd bibi ame yadkerdene. Merasîm hetê TCŞyî ra ame serûberkerdene. Merasîm de qala Şehîd Rêber Vartoyî ame kerdene û ame vatene ke ganî pêro welatperwerî erkê xo seba şehîdan bikerê. Merasîm bi slogananê “Bijî Serok Apo” û “Şehîd namirin” qedîya.

Şaristanê Gerevenbroichî yê Almanya de Berfîne Botan (Rihane Xelef) û embazê ci yê ke 11ê hezîrana 2022yî de şehîd bîyê ameyî yadkerdene. Keyeyê Berfîne Botan zî tewrê merasîmî bîyî. Nameyê TJK-E ser o Nesrîne Rojava qisey kerd û pare kerd ke ê do heta peynî hetê gerîlayan de yê û vera tecrîdî têkoşîn bikerê. Merasîm bi sloganan qedîya.