Xeylêk şaristananê Ewropa de şehîdê têkoşînê azadîye ameyî yadkerdene.

Şaristanê Hamburgî yê Almanya de Endama Komîteya Rayberdişî ya KONGRA-GELî Raperîne Amed (Delale Azîzoglu) û fermandar Fazil Botan (Ahmet Şeker) bi merasîmêkî ameyî yadkerdene. Şayîye de apkênaya Raperîne Amed Munevvere Azîzoglu, Temsîlkara Têgêrayîşê Cinîyan ê Ewropa Zeynepe Dêrsim, waya Mehmet Hayrî Durmuşî aytene Durmuş qisey kerd û înan ard ziwan ke pê berzkerdişê têkoşînî ê do wayîrê vîrameyîşê şehîdan vejîyê.

Şaristanê St. Gallenî yê Swîsre de bi wesîleya Hewteyê Qehramanîye şehîdî ameyî yadkerdene. Merasîmê yadkerdişî bi deqayêkê rêzgirewtişî dest pêkerd. Merasîm de nameyê KOMAWî ser o Fîdane Ana qisey kerd û vat: ''Ma do têkoşînê şehîdan biresnê serfîrazîye.'' Peynîya merasîmî de hunermend Rotînda girse selam kerd û qala şehîdan kerde.

Şaristanê Grazî yê Avusturya de Endamê Konseya Fermandarîye ya HPGyî Fazil Botan ame yadkerdene. Merasîm de derheqê Botanî de sînevîzyonêk zî ame mojnayene. Merasîm bi sloganan qedîya.