Zurich de şehîdê Rojawanî, Vîyana û Darmstadt de şehîdê têkoşînê azadîye bi merasîman ameyî yadkerdene.

Şaristanê Zurichî yê Swîsre de serkêşîya KOMAW û CDK-Syî de merasîm ame kerdene. Merasîm de Hemvervatoxa Meclîsê Cinîyan ê PYDyî Gulistane Sadun ard ziwan ke şarê Rojawanî hêrişanê dewleta tirke ya îşxalkere ra her roje şehîdan dano. Hemvervatoxa KOMAWî Sadete Kurdan zîş pare kerd ke ganî kurdîstanijî wayîrê şehîdan û Şorişê Rojawanî vejîyê.

Şaristanê Cenevre yê Swîsre de zî gerîlayê ke operasyonanê şorişgêran ê Zap û Xakurkê de şehîd bîyî, bi aktîvîteyêka yadkerdişî ameyî yadkerdene.

Şaristanê Darmstadî yê Almanya de şehîdê Rojawanî û gerîlayê şehîdî ameyî yadkerdene. Saloma merasîmî de fotografê şehîdan û Rayberê Şarê Kurdî Abdullah Ocalanî ameyî akerdene. Merdimanê şehîdan merasîm de qisey kerd û seba wayîrvejîyayîşê Rojawanî veng da. Merasîm bi slogananê sey “Şehîd namirin“ û "Bijî Serok Apo" qedîya.