Şehîdê Qirkerdişê Parisî yê 9ê Çeleyê 2013î û gerîlayê şehîdî xeylê şaristananê Ewropa de ameyî yadkerdene.

Şaristanê Kasselî yê Almanya de şexsê şehîdanê Parisî de şehîdê azadîye ameyî yadkerdene. Qiseykerdişan de dîya zanayene ke cinîyê şorişgêrî ewro sey Sakîne Cansiz çar parçeyanê Kurdîstanî de vera faşîzm û kolonyalîzmî xo ver danê. 

Şaristanê Duisburgî yê Almanya de Fermandarê HPGyî Mehmet Şîrîn Cebe (Akîf Dogan) bi merasîmêkî ame yadkerdene. Endamê KOMAWî, keyeyê şehîdan û xeylê kesî tewrê merasîmî bîyî. Merasîm bi slogananê sey "Şehîd namirin" û "Bijî Serok Apo" qedîya.

Paytextê Îngilîstanî London de serkêşîya Meclîsê Şarê Kurdî û Meclîsê Cinîyan ê Jiyan de şehîdê Parisî Sakîne Cansiz, Fîdan Dogan, Leyla Şaylemez û Emîne Kaya, Mîr Perwer û Abdurrahman Kizil, şehîdê Silopîya  Sêvê Demir, Pakîze Nayir, Fatma Ûyar û şehîdê têkoşînê azadîye Cafer Engîzek û Rûbar Dîcle ameyî yadkerdene.

Nameyê Meclîsê Şarê Kurdî ser o Îshak Malinî û Meclîsê Cinîyan ra Devrîme Sara qisey kerd û înan da zanayene ke xoverdayîşê Sakîne Cansiz do tim cinîyan rê bibo mîsal. Merasîm de sînevîzyonêk ame mojnayene û hunermendî Delale û Hakan vejîyayî sehne ser.