Paytextê Brîtanya London de bi beşdarîya sîyasetmedaranê kurdan û wekîlanê HDPyî yê verênan Kemal Pekoz û Osman Baydemîrî hetê Komeleya Paştdayîşî ya Kûracîkijan ra şewa paştdayîşî ameye kerdene.

Şewe de sîyasetmedar Kemal Pekozî qisey kerd û bale ante tecrîdê vera Rayberê Şarê Kurdî Abdullah Ocalanî ser. Pekozî vat: ''Heta ke tecrîdê Îmraliyî nêro wedaritene qet yew mesele çareser nêbena. Eke tecrîd wedarîyo Îmraliyî ra vengê haştîye û çareserîye do bêro. Embazê ma zî zîndanan de seba ney grevê vêşanîye kenê.''

Sîyasetmedar Osman Baydemîrî vat: ''Rixmo ke ma bi hezaran kîlometre welatî ra dûr de yê ma bi îrade û israrî girêdayeyê kokanê xo yê. Ganî ma sey kurdan tim yewîya xo bipawê û paştî bidê yewbînan.''

Şewe de hunermendî Cengîz Aslan, Zuhan Can, Hozan Diyar, Cîhan Çelîk û Koma Roza vejîyayî sehne ser. 

Hunermend Dîyarî sehne de ard ziwan ke kurdî ganî her çî ra ver yewîya xo awan bikerê