Panel hetê Buroyê Enformasyonî yê Kurdistanî, weşanxaneyê kitabanê Rayberê Şarê Kurdî Abdullah Ocalanî Punto Rosso, Komela Cimatê ya Rayberîya Xoserîye, Font idi Pace, Komela Cinîyanê Efganî reyde Paştdayîşî, Komela Cinîyanê Kurdanî reyde Paştdayîşî ra ame organîzekerdene.

Parlamentera HDP’yî ya verêne Nursel Aydogane zî tewrê panelî bîye. Destpêkerdiş de temsîlkarê Punto Rosso Roberto Mapellî qisey kerd. Mapellî bale ante serê tecrîdkerdişê Ocalanî û vat, “Teorîgerê Konfederalîzma Demokratîke felsefezan- cimatnas Birêz Ocalan girawa Îmraliyî de tecrîdkerde yo. Sebebê bingeyê nê tecrîdî fikrê Konfederalîzma Demokratîke yê Ocalanî yo. Birêz Ocalan sey teorîsyenanê bînan teyna teorî nêaferneno, bi afernayîşê Şorişê Rojawanî no fikir kerd zereyê pratîkî. No semed ra, hêzê serdest ê kapîtalîstî Ocalanî ra û fikranê Ocalanî ra tersenê, coka tecrîdo girankerde ci rê ferz kenê.”

Mapellî ra dima Nursel Aydogane qisey kerd û ard ziwan ke, reya verêne cayo ke projeyê Rojawanî ameyo bicaerdene Vakûrê Kurdistanî yo û vat, “Paradîgmaya Birêz Ocalanî  sere deVakûrê Kurdistanî de bi rêxistinkerdişê şarî kewte vîyartbarîye. Bi taybetî vera xoverdayîşê fedakar ê cinî û ciwananê Kurdan, rejîmê Erdoganî bi zext, şîdet û polîtîkayanê komkiştişî cehd kerd ke verê paradîgmaya Birêz Ocalanî bigêro. Labelê şarê Kurdî rayîr nêda nê zextan û nika zî bi serkêşîya Leyla Guvene bi hezaran merdimî cehd kenê ke her roje vengê xo berz bikerê.”

Aydogane bale ante serê muhîmîya weçînayîşê cayîyan ê 31’ê Adare û rayapêroyî yê Ewropa ra waşt ke weçînayîşî nêzdî ra teqîp bikerê.

Qiseykerdişan ra dima, belgefîlm o ke derheqê Rowanî de yo û hetê Kenalê Dewlete yê Îtalya ra ameyo amadekerdene, ame nawîyayene.