Wekîlê Partîya Çepe Gokay Akbulutî hukmatê Almanya ra pers kerd ke gelo serra 2018î ra nata çend kesan rê qedexeyê tebervejîyayîşî dîyayo.

Goreyê doneyanê Wezîrîya Karanê Zereyî serra 2018î ra nata hûmara hemwelatîyanê almananê ke 2018î ra nata hûmara qedexeyê vejîyayîşê teberê welatî zêdînaye. Wezîrîye da zanayene ke serranê 2018-2022yî de 131 kesan rê vejîyayîşê teberê welatî ame qedexekerdene.

Warê huqûqî de qet yew bingeyê qedexekerdişê vejîyayîşê teberê welatî çin o. Qedexe tewr zaf zî vera kurdan û çepgîran yeno caardene. Êlula vîyarte de Solîne G.(18) wexto ke waşt şora Tirkîya bi bahaneya 'Ti beşdara çalakîyanê PKKyî yê Îstanbulî bîya' Meydanê Teyarayan de amebî astengkerdene û polîsan dest nabi pasaportê ci ser.

Solîne G. kanûna vîyarte de Mehkemeya Îdarî ya Dusseldorfî de têkoşînê xo yê huqûqî de ser kewte. Mehkeme kerdişê polîsan neqanûnî dî û bire daye ke pasaportê aye wa apey bêro dayene.