Seba ke Rayberê Şarê Kurdî Abdullah Ocalan Îmrali de binê tecrîdê giranî de yo û 2021yî ra nata tira xebere nîna girewtene Partîya Çepe babete kirişte rojdemê Meclîsê Federalî yê Almanî.  Wekîle Gokaye Akbulut hukmatê federalî ra rewşa Abdullah Ocalanî persaybî.

Mustaşarê Wezîrîya Karanê Teberê yê Hukmatê Federalî Andreas Michaelisî  ke cewabê persyîşê Partîya Çepe da vat destê hukmatê înan de derheqê rewşa ronayoxê PKKyî Abdullah Ocalanî de zanayîş çîn o. Cewabo kilmo ke kewt destê ANFyî de yeno vatene ke muxatabê babete CPT yo ke temsîlkarê Almanya zî tede ca genê.

Wekîla Partîya Çepe Akbuluta ke vera cewabî nêrazîbîyayîş mojna vat: ''Bado ke hukmatê Almanya bedilya muxalîfanê Tirkîya dahîna zaf paştdayîş pawit la çi heyf ke no waştişê înan nêame ca. Wina eseno ke hukmatê Almanya goş binpaykerdişê heqanê merdiman a nêkewno, goreyê menfeatê xo têgêreno. Ez do muracatê temsîlkarê CPTyî yê Almanya Dr. Gunda Wossnerî bikerê. Tecrîdo ke vera Abdullah Ocalan û tepişteyanê bînan yeno rayraberdene  nîno qebulkerdene. Hukmatê Almanya rewşa tepişteyanê Îmraliyî nêvînayîşî ra yeno. Goreyê nê hukmatê Scholzî yo ke sey demokratîkî yeno naskerdene hukmato verên ê serkêşîya Angela Merkel derheqê Îmraliyî de dahîna eleqedar bi.''