Mabenê bajaranê Celle û Hannoverî yê Almanya de bi slogana ‘Qirkerdişî rê nê! seba Şingalî statu‘ rayraşîyayîşê di rojan ame destpêkerdene.

Çalakwanî verê Şaredarîya Celle de ameyî pêser û badê rezgirewtişî derheqê rewşa  Şingalî de qiseykerdişêk ame kerdene. Dima ra rayraşîyayîş dest pêkerd. Rayraşîyayîşê di rojan de xeylê îdarekarê dezgehanê kurdan ê Ewropa zî ca genê. Çalakîwanî bi slogananê xoverdayîşî ver bi Larte şinê. Rayraşîyayîş do roja îne Hannover de bi mîtîngêk bêro qedînayene.