Şaristananê Koln, Stuttgart û Freibergî yê Almanya de bi hezaran kesî vera nîjadperestîye vejîyayî meydanan.

Koln

Qetilkerdişê George Floydî Koln de pê nawnayîşêkê pîlî ame protestokerdene. Nawnayîş de bi hezaran kesan kincê sîyayî dayî xo û şîdet polîs û dewlete pê çepikan ameyî protestokerdene.

Stuttgart

Stuttgartî de zî dezgehanê çepgîran û sosyalîstan ê ke ameyî têhet pare kerd ke ê vera nîjadperestî yê. Merkezê Komelê Kurdan ê Demokratîkî zî vilawekî vila kerdî û bale ante Bariş Çakanî ser ke Tirkîya de seba ke muzîkê kurdkî goştarî kerdêne ame qetilkerdene. Nêzdîyê 15 hezar kesî tewrê na çalakîye bîyî.

Freiburg

Freiburg de zî qetilkerdişê Geroge Floyd û ê Bariş Çakanî ame protestokerdene. Bi hezaran kesî vejîyayî meydanan. Çalakîkeranê Têgêrayîşê Ciwanan ê Şorişgêran û Cinîyan ê Ciwanan ê Azadan seba Geroge Floyd û Bariş Çakanî pankartêke amade kerde.