Gottingen û Bielefeldê Almanya de kurdîstanijan û dostanê înan hêriş û qirkerdişê DAÎŞî yê vera yê 3ê tebaxa 2014î Şingalî protesto kerdî.

Gottingen

Çalakîye pê vengdayîşê NCDKyî Kuçeyê Angerî de dest pêkerd. Kurdîstanijî, enternasyonalîstî tewrê çalakîye bîyî.Qiseykerdişan ra dima alayanê YBŞ, YPG, YPJ, Antîfa û anarşîstan reyde rayraşîyayîş dest pêkerd.Çalakîye pê vilakerdişê vilawekan qedîyaye.

Bielefeld

Bielefeld de zî qirkerdişê 3ê tebaxa 2014î ame protestokerdene. Bi seyan kurdîstanijî û enternasyonalîstî tewrê rayraşîyayîşî bîyî. Çalakîye de zî sîyasetmedarê kurdî Osman Ergîn û nameyê Sîwana Meclîsê Cinîyan ê Êzidîyan Kumrî Akrîş û nameyê Têgêrayîşê Ciwanan ê Şorişgêran ser o zî Şoreşger Rojdemî qisey kerd.

Çalakîye pê slogananê 'Biciwîyo xoverdayîşê Şingalî' qedîyaye.