Ciwanê Kurdan ê ke eyaletê NRW’yî yê Almanya de yê do 16’ê Hezîrane de bajarê Monchengladbachî de Festîvala Spor û Kulturî virazê. Komîteya Amadekarîye veng da heme ciwanan û Kurdistanijan ke tewrê festîvale bibê.
Ciwanê Kurdan ê ke eyalete NRW’yî yê Almanya de yê do 16’ê Hezîrane de Festîvala Spor û Kulturî virazê. Festîvale bajarê Monchengladbach de do saet 10 de bêro destpêkerdene.
Komîteya Amadekarîye ya Festîvale videoyêk waşena û veng da heme ciwananan û Kurdistanijanê ke NRW de ciwîyene û înan ra waşt ke wa tewrê festîvala ke roja Yewşeme bajarê Monchengladbachî de yena viraştene bibê. Vengdayîş de ame vatene ke waştişê înan oyo ke ciwananê Kurdan bîyarê têhet. Programê festîvale de fûtbol, goveng û xeylî aktîvîteyê cîyayî estê. Reyna hunermend Hozan Kawa û Hozan Lokman zî bi deyîranê xo reng danê festîvale. Komîteya Amadekarîye veng da ke ê ke wazenê tewrê tûrnûvaya fûtbol bibê wa heta 15’ê Hezîrane muracat bikerê.
