Kurdîstanijanê şaristanê Kassel, Heilbronn, Stuttgart  û Dusseldorfî yê Almanya hêrişê dewleta tirke yê vera Zînî Wertê yê Başûrê Kurdîstanî şermezar kerdî.

Kurdîstanijanê şaristanê Kasselî yê Almanya û dormeyê ci hêrişê dewleta tirke yê vera Zînî Wertê yê Başûrê Kurdîstanî şermezar kerdî. Çalakîye Friedrichplatz de hetê TJK-E ra ameye rêxistinkerdene.

Çalakîye de pankartê bi nuşteyê almankî ''Qirkerdişê vera Kurdîstanî vindarnê'', ''Wa ambargoyê vera Mexmûrî cade biqedo'', ''Qirkerdişê Mexmûrî vindarnê'', ''Erdogan vîrusê Korona ra xirabêr o, bi hezar merdimî qetil kerdê û qetilkerdişê ey dewam keno'' ameyî akerdene. Çalakîye de rejîmê Erdoganî pê sloganan ameyî protestokerdene.

Bi eynî waştişî Dusseldorf, Stuttgart û Heilbronn de zî kurdîstanijî û dostê înan kuçeyan de bî.

Stuttgart

Dusseldorf

Heilbronn 

Kassel