KCDK-E û TJK-E bi eşkerayîyêka hempare venga pêro kurdîstanijan da ke 27ê nîsane de Fransa û Belçîka de hêrişê vera Stêrk TV û Medya Haber TVyî protesto bikerê.

Eşkerayîye de ame vîrvistene ke 23yê nîsane de polîsanê dewleta Belçîka vera çapemenîya kurdan û polîsanê Fransa zî vera Merkezê Komelê Demokratîkî yê Kurdan ê Drancyî hêrişî kerdbî.

Eşkerayîye de ame parekerdene ke heman wextî de  vera cografyaya Kurdîstanî hêrişê îşxalî yenê kerdene. Eşkerayîye de venga dewleta Belçîka dîya ke wa xîretê tersnayîşê çimê kurdan ra fek vera bida.

TJK-E û KCDK-E dîyar kerd ke ê do 27ê nîsane de, saete 13.00 de, adresê Palaîs de Justice li Place Poelaert 1, 1000 Bruxelles de hêrişê vera kurdan protesto bikerê û venga pêro kesan da ke tewrê çalakîye bibê.