Hîzbullah mîyanê lîsteya ''rêxistşnanê terorîstan'' a Yewîya Ewropa de yo. Heta nika têna karê leşkerî yê Hîzbullahî Almanya de qedexe bîyî. Baskê ci yo sîyasî yo ke bi nîzamî çalakî kerdêne yan zî vera Îsraîlî kar kerdêne, qedexe nêbi.

Vervatoxê Wezîrê Karanê Zereyî Horst Seehofer Steve Alterî twitter de eşkerayîyêke weşanaye û pare kerd ke ''Wezaretî karê rêxistina terorîste ya şîa Hîzbullahî Almanya de ewro ra tepîya qedexe kerdî.''

Alterî îfade kerd ke serê sibayî ra nata vera dezgehanê Hîzbullahî xeylêk herêman de operasyonî ameyî kerdene.

Goreyê kovara Der Spiegelî û rojnameyê Bildî polîsanê almanan Berlin, Bremen û Munster de eşt hîrê camîyan ser û  Dortmund de zî eşt  merkezê koçberan ê Lubnanî ser. 

Yeno texmînkerdene ke Almanya de tewr tay hezar endamê Hîzbullahî estê.