27ê teşrîna peyêne ya 2019î de şaristanê Heilbronnî de erzîya serê bînaya Merkezê Komelê Kurdan ê Demokratîkî û keyeyanê îdarekeranê merkezî ser. Sereştiş de muxabîrê Yeni Ozgur Politika û Hemserekê Federasyonanê Şaranê Kurdîstanî (FED-GEL) zî teede 5 îdarekaran rê dewa amebî akerdene. Roniştişo 3. ê dewa 10ê teşrîna verêne de Stuttgart de ame kerdene. 

Îdîanameyê dewa de berzkerdişê alayanê KCK û PKKyî sey sûcî ame dîyene û ame îdîakerdene le sereştişê vera merkezî de dest nîyayo materyelanê qedexeyan ser. Sereştiş de dest nîyabi arşîvê Orturkî ser.

Roniştiş de hîrê polîsê operasyonê sereştişî sey şahidî ameyî goşdarîkerdene. Avûkatan înan rê pers kerd: ''Şima sebebê sereştişî muwekîlanê ma rê wendo? Înan rê vato ke heqê înan ê qiseynêkerdişî û vengdayîşê avûkatan est o?''

Polîsan ra yewî vat: ''Nêno vîrê mi.'' Avûkatan da zanayene ke materyelê ke dest nîyayo ser unsurê sûcî nîyê û sereştişan de heqê qanûnî nêameyê wendene coka delîlê ke yenê pêşkêşkerdene qanûnî nîyê. Avûkatan dima îtîrazê xo yê vera îdîaname pêşkêşê mehkeme kerd.

Avûkatan persê 'derheqê kerdişê sûcêkî de delîlê şima est o' pers kerd û mehkeme wina cewab da ke delîl çin o. 

Roniştiş taloqê 21ê teşrîna verêne ame kerdene.

Verê mehkeme de Hemsereka KON-MEDî Zubeyde Zumrut qisey kerd û ard ziwan ke mehkeme vera komeleyanê kurdan teda kena û vat: ''Ma na polîtîkaya teda qebul nêkenê.''