Bajaranê Bremen, Heilbronn, Koln û Dusseldorfî yê Almanya de de bi waştîşê azadîya Rayberê Şarê Kurdî Abdullah Ocalanî pankartî ameyî daliqnayene.

Bremen de serkêşîya Meclîsê Cinîyan ê Sevê de pirdê Domsaide ke cayo sixletî yê bajarî yo de pankarta Ocalanî rê Azadîye ameye daliqnayene. Heilbronn de zî ciwanan bînayanê berzan de pankartî daliqnayî. Koln de zî serkêşîya ciwanan de çalakîya nuştişî ameye kerdene. Dusseldorf de zî bi eynî waştişî cayo tewr sixletî  Konîgsallee de pankarte ameye daliqnayene.