Bajarê Lîege yê Belçîka, bajarê Freîburgî yê Almanya û bajaranê Gerlafingen û Baselî yê Swîsre  de bi aktîvîteyan şehîdê aşma Teşrîna Verêne ameyî vîrardene.

Bajarê Lîege yê Belçîka de rayberîya Komeleya Kulturê Kurdan KOMAV’î de şehîdê aşma Teşrîna Verêne ameyî vîrardene. Aktîvîte de şehîdî ameyî yadkerdene û xoverdayîşî Rojawanî ame silamkerdne.

Bajarê Freîburgî yê Almanya de hetê Komîsyonê Keyeyanê Şehîdan û Meclîsê Cinîyan ê Nuda ra aktîvîtêyek ame organîzekerdene. Qiseykerdişan de ame vatene ke Kurdî destkewteyanê xo şehîdanê azadîye rê deydanrê û sozê xeta şehîdan de girdkerdişê mucadeleyî ame dayene. Reyna seba wayîrvejîyayîşê xoverdayîşê Rojawanî ame vengdayene.

Bajaranê Gerlafîngen û Baselî yê Swîsre de zî bi aktîvîteyan şehîdê aşma Teşrîna Verêne ameyî yadkerdene. Bi seyan kesî tewrî aktîvîteyan bîyî û şehîdan rê girêdayîya xo ramojna. Qiseykedişan de xoverdayoxê Şerê Anorî yê Rojawanî ameyî silamkerdene  û ame vatene ke Kurdî do bi felsefeya Rayberê Şarê Kurdî Abdullah Ocalanî xeta şehîdan de mucadeleyî gird bikerê û ser bikewê.