Almanya û Awusturya ya de dewleta Tirkî ameye protestokerdene

Paytextê Awusturya Vîyana û bajaranê Stuttgart û Saarbruckenî yê Almanya de hêrişê dewleta Tirkî yê vera Kurdan ameyî protestokerdene.

Paytextê Awusturya Vîyana û bajarê Stuttgartî yê Almanya de xepskerdişê şaredarîyanê HDP’yî û bajarê Saarbruckenî yê Almanya de zî hêrişê dewlata Tirkî yê vera Rojawanî ameyî protestokerdene.

Vîyana de rayberîya Platformê Demokrasîyî yê Awusturya de vera qeyûmanê ke şaredarîyanê HDP’yî de ameyî cakerdene çalakîyêk ameye organîzekerdene. Kurdî û dostê înan bî fotografanê sîyasetmedaranê Kurdan ê rehînan tewrê çalakîye bîyî. Çalakîye de mektuba ke hemşaredarênê bajaranê pîlan ê Amed Wan û Mêrdînî şaredarîyanê paytextanê Ewropa rê şawite ameye wendene.

 

Stuttgart de Çalakîya Xeyme

Bajarê Stuttgartî yê Almanya de zî vera xespkerdişê şaredarîyan Schlossplatz (Meydanê Kobanê) de xeyma ke derheqê qeyûmî de zanayîş vila kena ameye ronayene. Stuttgart de ewro saete 15:30 de zî  do Lautenchlegerstrasse de şîyayîşê paştdayîşê HDP’yî bêro viraştene.

 

Saarbrucken de Çalakîya Paştdayîşê Rojawanî

Bajarê Saarbruckenî de zî hêrişê dewleta Tirkî yê vera Rojawanî ameyî protestokerdene. Sey xeylî çalakyanê bînan ê ke çarçeweya Kampanyaya “RiseUp4Rojava” de ameyî viraştene hêrişê îşxalî yê Dewleta Tirkî yê vera Rojawanî ameyî protestokerdene.