Peymana Bexdad-Hewlêrî ya serê Şingalî hetê ciwananê kurdan ra şaristananê Aarau yê Swîsre, Stuttgartî yê Almanya û Bordeuaxî yê Fransa de bi çalakîyêke ameye protestokerdene.

Aarau

Cinîyan ê Ciwanan ê Têkoşeran (TEKO-JIN) û Têgêrayîşê Ciwanan ê Şorişgêran (TCŞ) bi çalakîyêke peymana serê Şingalî şermezar kerde.  Çalakîye de posterê Rayberê Şarê Kurdî Abdullah Ocalanî ameyî akerdene û pankarta bi nuşteyê 'Şingal de azadîya cinîyan azadîya pêro merdimîye ya' akerde.

Çalakîye de sloganê sey 'Destê xo Şingalî ra biancê' û 'Hêrişê Tirkîya yê vera Şingalî vindarnê' ameyî vatene.

Stuttgart

Bi eynî waştişî şaristanê Stuttgartî yê Almanya de zî çalakîyêke ameye kerdene. Çalakîye de ame vatene ke ê vera plananê xayînîye û îşxalî paştî danê êzidîyan û heta naskerdişê îradeyê Şingalî çalakîyan de yê.

Bordeaux

Aktîvîstanê TEKO-JIN û TCŞyî xîretê provakatîfî yê PDKyî şermezar kerdî. Ciwanan posterê Rayberê Şarê Kurdî Abdullah Ocalanî û pankarta bi nuşteyê 'Qirkerdişê TC-Iraq-PDKyî' vindarnê' akerdî. Çalakîye bi sloganê 'Bimiro îxanet' qedîyaye.