Ewropa de çalakîye vera tecrîdê Îmraliyî dewam kenê. Kurdîstanijî vizêr reyna semedê azadîya fîzîkîye ya Rayberê Şarê Kurdî Abdullah Ocalanî kuçeyan de bî.

Evryê Fransa de bi çalakîyêke tecrîd û qedexekerdişê kongreya KCDK-E bi rayraşîyayîş û mitîngêk ameyî şermezarkerdene. Çalakîya ke xeylêk kesî tewrê ci bîyî de xoverdayîşê Îmrali, gerîlayan û zîndanan ame selamkerdene û hêrişê dewleta tirke û paştdayîşê welatanê Ewropa ameyî şermezarkerdene.

Chemnitzê Almanya de zî bi şîarê ''Ocalanî rê Azadîye û Kurdîstanî rê Haştîye'' hetê Komîte Solî û TCŞyî ra turê bîsîklete ame kerdene. Çalakwanan pê wendişê vilawekan bale ante tecrîdê Îmraliyî, hêrişê artêşa tirke yê vera Başûrê Kurdîstanî û qedexekerdişê kongraya KCDK-E ser. Çalakîya ke xeylêk ciwanê almanî tewrê ci bîyî de şerwanê azadîye yê Hemleya Bazanê Zagrosî daye destpêkerdene ameyî selamkerdene. Her bîsîklete rê nameyê cayanê xoverdayîşî yê Başûrê Kurdîstanî sey Mamreşo, Avaşîn, Zap û Garê ame dayene. Turê bîsîklete pê muzîk û govend qedîya.