Şaristananê Mannheim û Munihî yê Almanya  şaristanê Torontoyî yê Kanada de 1ê Teşrîna Peyêne Roja Kobanê ya Dinya ameye fîrazkerdene.

Mannheim

Bi vengdayîşê Merkezê Komelê Demokratîkî yê Kurdan çalakîye ameye kerdene. Partîya Die Linke zî tewrê çalakîye bîye. Platformê Defend Rojava ra Rolland Thomasî qisey kerd û selam kerd Şorişê Rojawanî. Çalakîye de alayê YPG, YPJ û fotografê Rayberê Şarê Kurdî Abdullah Ocalanî ameyî akerdene.

Munih

Çalakîya Munihî de zî serkewtişê Kobanê ame selamkerdene û hêrişê dewleta tirke ameyî şermezarkerdene. Enternasyonalî zî tewrê çalakîye bîyî. Çalakîye de dîmenê derheqê Kobanê de ameyî mojnayene û seba YPG, YPJ û Rojawanî sloganî ameyî vatene.

Toronto

Şayîya seba Roja Kobanê hetê Komunê Cinîyan ê Azadan ê Sara û Merkezê Komelê Demokratîkî yê Kurdan ra ameye serûberkerdene. Çalakîkerî meydanê Dundasî de kom bîyî û dima govendî girewtî.