Almanya û Swîsre de Neweroze ameye pîrozkerdene

Fribourg, Kassel û Leipzîg de Newroze ameye pîrozkerdene û mesajê xurtkerdişê têkoşînî ameyî dayene.

Bajarê Fribourgî yê Swîsre û bajaranê Kassel û Leipzîgî yê Almanya de roşanê Newroze ame pîrozkerdene.

Swîsre de bi hezaran kurdîstanijan û dostanê înan bajarê Fribourgî de Newroze pîroz kerde. Xeylêk sîyasetmedarê Swîsre  zî tewrê aktîvîte bîy û  semedê mexdûranê erdlerzî mesajê paştîdayîşî da.

Hetkarê Serekê Kantonê Fribourgî Pierre Siggenî vat ê paştî danê têkoşînê azadîyê kurdan û vîst vîrî ke kantonê înan de elewîtîye sey dînêkî bawerîyêkî yena naskerdene.  Endamê Înîsîyatîfê Abdullah Ocalanî rê Azadîye û Serekê Înîsîyatîfê Têkoşînê vera Çekanê Kîmîyewîyan ê Mîyanneteweyî Dr. Peppe Savaryî zî tecrîd sey sûcê merdimîye name kerd û vat: Gerek Abdullah Ocalan hinda bibo azad.

Hunermendî Ozan Comerd, Silbus û Tarî, Azad Bedran, Baran Bazîd, Koma Lêlo, Koroya Jinên Azad pê deyîranê xo tewrê aktîvîte bîyî.

Kassel de bi wesîleya  18ê Adare Roja Paştîdayîşê Tepişteyanê Polîtîkan a Mîyanneteweyî rayraşîyayîşêk ame kerdene û dima ra Newroze ameye pîrozkerdene.

Leipzîg de zî kurdîstanijan û dostanê înan adirê Newroze tafîna û mesajê xurtkerdişê têkoşînî da.