Bîlançoya erlderzê Kurdîstanî çend şino, giranêr bena. Kampanyaya paştîdayîşê mexdûranê erdlerzî ya ke serkêşîya Heyva Sor a Kurdîstanî de Ewropa de dîyaye destpêkerdene, roje bi roje vila bena.

Îtalya, Almanya, Zelandaya Newî, Uruguay, Katalonya, Spanya, Swîsre, Kolombiya, Tirkiya, Brezîlya, Koreya Başûre, Rojawan û Fransa ra pêro 17 rêxistinanê anarşîstan eşkerayîye daye. Anarşîstan  bale ante erdlerzê Kurdîstanî ser û veng da ke wa her kes paştî bido kampanyaya Heyva Sor a Kurdîstanî.

Eşkerayîye de nê ameyî vatene: ''Rejîmê AKPyî rayîrê rêxistinan  gêno ke nêverdano hetkarî biresê mexdûranê erdlerzî û ê zerrîwazê ke hetkarî kenê, înan zî tehtîd keno. Eşkera yo ke no rejîm hetkarîya şarî ra zafêr pawitişê sîstemê kapîtalîstî dima yo. Coka gere paştîdayîşê şar hîna gird bibo. Ma do bi paştîdayîşê şarê xo yê cefakar û kedkaran birînanê şarê xo bipêşê. Ma pîya bi sendîka û rêxistinanê şarî semedê hetkarî xebiteyanê. Hemrayê ma yê Swîsre ke bi hewayêkê paştîdayîşê mîyanneteweyî hetkarî arê danê, qismêkê bexşî do Heyva Sor a Kurdîstanî rê bêro şawitene.''

Lîsteya rêxistinanê ke eşkerayîye îmza kerd:

"Alternativa Libertaria (AL/FdCA) - Îtalya

Aotearoa Workers Solidarity Movement (AWSM) - Aotearoa / Zelandaya Newî

Federacion Anarquista Uruguaya (FAU) – Uruguay

Embat, Organització Llibertària de Catalunya – Katalonya, Spanya

Libertäre Aktion (LA) - Swîsre

Organisation Socialiste Libertaire (OSL) – Swîsre

Grupo Libertario Via Libre - Kolombiya

Karala – Tirkiya

Corodenação Anarquista Brasileira - Brezîlya

Platforma Die - Almanya

Anarchist Yondae - Koreya Başûre

Rusga Libertaria - Brezîlya

Federação Anarquista do Rio de Janeiro (FARJ) - Brezîlya

Organização Anarquista Socialismo Libertário (OASL) - Brezîlya

Coletivo Mineiro Popular Anarquista (COMPA) - Brezîlya

Union Communiste Libertaire (UCL) - Fransa

Têkoşîna Anarşîst (TA) – Rojawan."