Wezîra Karanê Teberî yê Swêdî Ann Linde cewab da vernîyazê Wekîlê Partîya Çepe Hakan Sevenneligî. Vernîyaz derheqê teda û tepiştişê hukmatê AKPyî yê vera HDPyî de bi. Ann Linde îfade kerd ke  tepişîyayîşê îdarekaranê partîyan ê muxalîfan bi taybetî HDPyîjan û wezîfe ra dûr vistişê înan  nênê qebulkerdene.

Hukmatê Swêdî pare kerd ke Tirkîya qanûnê heqanê merdiman, krîteranê demokrasî û dewleta huqûqî ser o nêvindena.

Linde vat: ''Ma tepişîyayîşê HDPyîjan ser o vindenê. Sersefîrê ma Tirkîya de HDPyî reyde têkilîye keno.Ma serebûtan teqîb kenê. Babete Sersefîrîya Swêdî ya Tirkîya de yena nîqaşkerdene. Muxalefeto azad şertê komelê pirreng û demokratîkî yo.''

Linde peynî de da zanayene ke hukmatê Swêdî xeylêk caran reşwa polîtîke ya HDPyî berde rojdemê Yewîya Neteweyîye.