Çarçewa Hewteyê Têkoşînê Vera Vînîbîyayeyan de Berlin û Basel de aqîbetê vînîbîyayeyan ameyî persayene.

Paytextê Almanya Berlinî de bi beşdarîya xeylêk dezgeh û rêxistinan çalakîye ameye kerdene. Eşkerayîye de ame parekerdene ke seba ke dewlete bi xo nê cînayetî dayî kerdene kiştoxan zî pawena. Çalakîye de bale ameye antene girîngîya têkoşîn û paştdayîşê mîyanneteweyî ser.

Şaristanê Baselî yê Swîsre de bi beşdarîya xeylêk dezgeh û rêxistinan çalakîye ameye kerdene. Çalakîye de eşkerayîyêke ameye dayene û paştî dîyaye Mayanê Şemeyî. Çalakîye de nê waştişê Mayanê Şemeyî ameyî rêzkerdene û wina ame vatene: ''Waştişê Mayanê Şemeyî waştişê ma yê.'' Çalakîye bi sloganan qedîyaye.