Hunermend Aram Tîgran serrgêra 14. ya wefatê xo de, paytextê Belçîka Bruksel de serê gorê xo de ame yadkerdene. Hunermendê TEV-ÇANDî û heskerdoxê Tîgranî yadkerdiş de amade bîyî.

Merasîmê yadkerdişî bi rêzgirewtişî dest pêkerd. Hozan Şemdînî tîya de qala kesayetê Aram Tîgranî kerde û vat ke Tîgranî mabênê kurdan û armendîyan de pirdêk awan kerdo. 

Hunermend Hekîm Sefkanî ard ziwan ke Tîgranî zaf xizmetê hunerê kurdan kerdo û vat: ''Ma bi yadkerdişê ey wayîrê qiseyê Rayber Apoyî 'Mi key deyîra 'Hey Lo Delal' goşdarî kerde, mi va ke wa no veng tim ganî bimano' vejîyenê.''

Qiseykerdişan ra dima girseyî serê gorî de qeranfîlî nayî ro û deyîrê Tîgranî vatî.