Vervatoxê Komîteya 'Abdullah Ocalanî rê Azadîye' ya Swîsre Necdet Atalayî derheqê girîngîya rayraşîyayîş û mîtîngê Kolnî yê 16ê teşrîna peyêne de ANFyî rê qisey kerd.

Nejdet Atalayî ard ziwan ke karê seba çalakîyanê Kolnî bi xurtî dewam kenê û vat: ''Ma zanenê ke bedelê nê têkoşînî giran o la ma do ser bikewê. Çunke ma heqdar ê. Ma wazenê ke bi ziwan, kultur û erjanê xo welatê xo de bi hawayêkê azadî biciwîyê.

Swîsre de seba çalakîyanê Kolnî kombîyayîşan kenê, keyeyan zîyaret kenê, pêvînayîşan kenê. Seba resayîşê Kolnî wesayîtê ma zî amade yê. Ganî pêro kurdîstanijî seba nê çalakîyan bi mesuldarî têbigêrê. Ma pabeyê her kesî yê ke verê xo bido Kolnî. 

Şarê kurdî û komelo mîyanneteweyî Rayber Apoyî sey muxatabê çareserîya meseleya kurdan vînenê. Wextê nê nîqaşan de girîngîya çalakîyanê Kolnî zî zêdîyaye. Ma do Koln de cewab bidê selamê Serek Apoyî. Ma çend xurt bibê ma do hendê destê Rayber Apoyî xurtêr bikerê.''