Paytextê Yunanîstanî Atina de bi armancê şermezarkerdişê tecrîdê vera Rayberê Şarê Kurdî Abdullah Ocalanî, hêrişanê kîmyewîyan çalakîya rayraşîyayîşî ameye kerdene. Çalakîye verê bînaya Akademîya Atina de dest pêkerde û heta sersefîrîya Tirkîya dewam kerd.

Çalakîkeran alayê PKK û KCKyî akerdî, sloganê ''Biciwîyo Serek Apo'', ''Kurdîstan faşîzmî rê do bibo goristan'' vatî. Ciwanan derheqê hêrişanê vera Şingalî de vilawekî vila kerdî. Ciwanan seba ke bale biancê hêrişanê kîmyewîyan ser maskeyê gazî û kincê sipî dabî xo rê.

Polîsanê yunanan verê Sersefîrîya Tirkîya de ciwanî asteng kerdî. La ciwanan uca de eşkerayîye daye. Dima Hemserekê Merkezê Kulturê Kurdîstanî Erkan Erencîyî qisey kerd û ard ziwan ke ê do heta azadîya Rayberê Şarê Kurdî Abdullah Ocalanî têkoşînê xo rê dewam bikerê. Eşkerayîye pê sloganan qedîyaye.