Bajarê Aurichî yê Almanya de semedê şermerzarkerdişê Qirkerdişê Şingalî  hetê Komeleya Komelê Demokratîkî yê Kurdan û Die Linke ra (Partîya Çepe) mîtîngêko hempar ame kerdene.

Verê mîtîngî îdarekaranê Die Linke û Mizgine Çiftçîya ke vîjnayîşê Eyaletî de namzede bî komeleya kurdan zîyaret kerde. Zîyaret de ame vatene ke ê do semedê paştdayîşê kurdanê ke dîaspora de yê xebatan rayra berê.

Dima ra mîtîng ame kerdene.Temsîlkarê Die Linke Friedrich Brend Allbertî ke tîya qisey kerd Qirkerdişê Şingalî semedê merdimîye sey lekeyê sîyayî name kerd. Allbertî bale atne xoverdayîşê kurdan ê vera çeteyanê DAÎŞî ser û vat: ''No xoverdayîş semedê naskerdişê statuyê Şingal û Rojawanî mesajêk o.''