Konfederasyonê Koçberanê Bindestan ê Ewropa (AVEG-KON) bi eşkerayîyêke da zanayene ke Îbrahîm Okçuogluyî dinyaya xo bedilnaya.

AVEG-KONî vat: ''Hemrayê ma Îbrahîm Okçuogluyî netîceya nêweşîya kanserî de 24ê tebaxe de dinyaya xo bedilnaye. Embaz Îbrahîm bi perwerdeyanê ke wargehanê ciwanan de dayê, bîyo 'Selîm Hoca' yan zî 'doktor' ê ciwanan. Ey tim bi rîyê xo yê huyayeyî îdeolojîya xo daye şinasnayene. 

Serkewtişê Şorişê Rojawanî ra dima ey heyetê ICORî reyde Rojawan zîyaret kerd û yew roportajê xo de seba nê zîyaretî vat ke 'Mi uca de kesêko bêhêvî nêdî.'

Ma do wayîrê mîrasê ey vejîyê û têkoşînî berz bikerê. Embaz Okçuoglu Berlin de Goristanê Friedrichsfelde de do bêro definkerdene. Ma do her ke zelal bibê agahîyan pare bikerê.''