Bajarê Dusseldorfî yê Almanya de Yewîya Hêzî ya Demokratîke ya Ewropa (ADGB) û platformê dezgehanê kurdîstanijan ê Ewropa semedê azadîya Rayberê Şarê Kurdî Abdullah Ocalanî rayraşîyayîş organîze kerd. 

Saetanê serê sibayî ra kurdî û dostê înan Almanya û bajaranê welatanê bînan ê Ewropa ra verê îstasyonê trednan ê Dusseldorfî de ameyî têhet û ver bi Parka Rheinî rayra şîyî û tîya mîtîngêk viraşt.

Badê rêzgirewtişî hemserekê KON-MEDî Engin Severî şar silam kerd û dima ra grûba ke vejîyaye sehneyî ser semedê Rayberê Şarê Kurdî Abdullah Ocalanî deyîrî vatî.

Endama Konseya Hemserekîye ya PYDyî Foza Yusif  warê mîtîngî de qisey kerd. Yusife bale ante muhîmîya fîkranê Îmraliyî ser û vat: “ Rayber Apo Îmrali de semedê merdimîye, azadîye xover dano.  Gerek şarê kurdî wayîrê îradeyê xo biveîyo. Şarê  Kurdîstanî sîyasetê înkar û îmhayî yê Îmraliyî qebul nêkeno. Sîyaseto ke kurdan qebul nêkeno, ma qebul nêkenê. Şarê kurdî ça beno wa bibo do tim wayîrê ziwan, nasname û azadîye xo bivejîyo.”

Hemserekê KCKyî Cemîl Bayikî zî mesajêk şawit. Mesajê Bayikî ra qismêk wina yo: “ Seke yeno zanayene şarê kurdî bi Rayber Apoyî resa nasnameyê xo û dest pê xoverdayîşî kerd. Dişmeno îşxalker şexsê Rayber Apoyî de vera kurdan qirkerdişî domneno. Dişmen keno ke bi tesfîye û qirkerdişan netîce bîgêro. La Rayber Apo, gerîla û şarê ma destûr nêdano. Ma prosesê muhîm û krîtîkî de yê. Gerek her kes berpirsîyarîya xo bizano û goreyê ci têbigêro. Têkoşînê Rayber Apo, PKK û şarê kurdî îtîfaqê Lozanî bin fîna. Şarê kurdî wazeno azad biciwîyo. Senî ke rayberê sey Şêx Saîd, Seyîd Riza, Qazî Mihemed, Şêx Abdusselam Barzani îdam kerdî wazenê  Rayber Apoyî îdam bikerê. La nêeşkayî nê bîgêrî çim. Çunke bi mîlyonan wayîrê Rayber Apoyî vejîyenê û warê mîyanneteweyî de zî yeno qebulkerdene. Rewşa Rayber Apoyî sebebê xurkerdişê têkoşînî yo. Gerek ma têkoşînî xurt bikerê ke Rayber Apo bireso azadîya xo ya fîzîkîye. Wa hinda her kes bizano ke ma teberê azadîya fîzîkîye ya Rayber Apoyî qet çîyêkî qebul nêkenê. Ez veng dana heme roşnvîr, hunermend, şorişgêr, demokrat û soyalîstan ke wa semedê azadîya Rayber Apoyî berpirsîyarîya xo bîyarê ca. Gerek CPT, Konseya Ewropa , Yewîya Ewropa, huqûqê mîyanneteweyî rêxistinê heqanê merdiman berpirsîyarîya xo bîyarê ca. Ez mîtîngê şima silam kena. Serkewtiş wazena. Bijî Rêber Apo!”

Dima ra bi nameyê KNK, KCDK-E û  TJK-E şar ame silamkerdene, qiseykerdişî ameyî kerdene û badê qiseykerdişan  mîtîng qedîya.