Şaristanê Bellinzona yê Kantonê Ticinoyî yê Swîsre de Merkezê Komelê Demokratîkî yê Kurdan (NCDK) vizêr bi merasîmêkî ame akerdene.

Şaristan de 300 keyeyê kurdîstanijî est û 2018 ra nata xîret ameyêne kerdene ke tede merkezêk bêro akerdene.

Bînaya NCDKyî bînaya ke tede Partîya Karkeran (POP), Koma Dostanî ya Kuba-Swîsre, dezgehê çapemenîye yê Equomedia û rêxistina Alba Suiza cabîyaye yê, de ya.

Hemserekê Merkezê Komelê Demokratîkî yê Kurdan ê Swîsre (CDK-S) Îsmaîl Kardaş û Endamê Dîwanê Hemserekîye zî tewrê merasîmî bîyî û akerdişê merkezî fîraz kerd.

Merasîm de nameyê dezgehan ser o qiseykerdişî ameyî kerdene. Merasîmê akerdişî bi muzîkî qedîya.