Ewropa de adirê Newroze yo verên paytextê Almanya Berlin de ame tavistene. Newroza emserî semedê paştîdayîşê mexdûranê erdlerzî ameye organîzekerdene.

Bi hezaran kesî tewrê şayîya Newroze bîyî. Wextê tavistişê adirê Newroze de slogana  “Bijî serok Apo” bîye berze.

Qiseykerdişê bi nameyê komîteya amadekerdişê şayîye de ame vatene ke rixmo ke gerîlayan çalakîyê xo yê leşkerî vindarnayî dewleta tirke çekê kîmyewîyî zî tede hêrişanê xo rê dewam kena.

HDPyî ra Sezai Temelli, Meclîsê Sûrîyeya Demokratîke ra Îlhame Ehmed sey qiseykerdogan tewrê şayîye bîyî. Bi nameyê KON-MED û Die Linke qiseykerdişî ameyî kerdene.

Hunermendan Nevşan, Ozgur Işik, Bengî Agirî, Besere Şahîn, Hozan Aydin, Hani û Şivan perwerî zî bi deyîranê xo reng da şayîye.